ທ່ານນາງ ອັບປຸຫາມິລາເຄ ຈະມິນທະ ອິໂນກາ ໂກໂລນເນ (C. A. Chaminda I. Colonne)

ເອກອັກຄະລັດຖະທູດວິສາມັນຜູ້ມີອຳນາດເຕັມຂອງ ສາທາລະນະລັດສັງຄົມນິຍົມປະຊາທິປະໄຕສີລັງກາປະຈຳປະເທດໄທ
ແລະຜູ້ແທນຖາວອນຂອງຄະນະກຳມາທິການເສດຖະກິດແລະສັງຄົມແຫ່ງສະຫະປະຊາຊາດສຳຫຼັບອາຊີປາຊິຟິກ (UNESCAP)

(ໄດ້ຮັບການຮັບຮອງພ້ອມກັນກັບລາຊະອານາຈັກກຳປູເຈຍແລະສາທະລະນະລັດປະຊາທິປະໄຕປະຊາຊົນລາວ)

ທ່ານນາງຈະມິນທະ ໂກໂນເນ ເລີ່ມອາຊີບນັກການທູດ ດ້ວຍການເຂົ້າຮ່ວມເຮັດວຽກໃນຝ່າຍບໍລິການຕ່າງປະເທດສີລັງກາໃນປີ 1998.

ກ່ອນທີ່ຈະໄດ້ຮັບການແຕ່ງຕັ້ງເປັນເອກອັກຄະລັດຖະທູດລາຊະອານາຈັກໄທ ທ່ານໄດ້ດຳລົງຕຳແໜ່ງອະທິບໍດີກົມຕາເວັນອອກກາງ ກະຊວງການຕ່າງປະເທດ (2018-2021) ແລະອະທິບໍດີກົມຕາເວັນອອກກາງແລະອັຟຣິກາ ກະຊວງການຕ່າງປະເທດ (2016-2018).

ຕຳແໜ່ງຂອງທ່ານໃນສີລັງກາ ໄດ້ແກ່ ອະທິບໍດີກົມອັຟຣິກາ (2011-2013), ອຳນວຍການຝ່າຍອັຟຣິກາ (2008-2011) ກະຊວງການຕ່າງປະເທດ, ຮອງອຳນວຍການຝ່າຍເສດຖະກິດ (2004-2005), ຮອງອຳນວຍການຝ່າຍກິດຈະການກົງສຸນ (2003-2004) ແລະຜູ້ຊ່ວຍອຳນວຍການຝ່າຍການເມືອງຕາເວັນອອກ (1998-2000) ກະຊວງການຕ່າງປະເທດ

ຕຳແໜ່ງໃນຕ່າງປະເທດຂອງທ່ານ ໄດ້ແກ່ ອັັກຄະລັດຖະທູດ/ຮອງຫົວໜ້າຄະນະຜູ້ແທນສະຖານທູດສີລັງກາໃນເມືອງເບີລິນ ປະເທດເຢີລະມັນ ພ້ອມກັບການຮັບຮອງຈາກສະວິສເຊີແລນ (2013-2016), ທີ່ປຶກສາຄະນະກຳມາທິການລະດັບສູງຂອງສີລັງກາປະຈຳເມືອງນິວເດລີ ປະເທດອິນເດຍ (2005-2008) ແລະເລຂານຸການເອກ/ເລຂານຸການໂທຂອງສະຖານທູດສີລັງກາປະຈຳເມືອງມົສໂກ ປະເທດລັດເຊຍ (2000-2003).

ລະຫວ່າງການດຳລົງຕຳແໜ່ງທີ່ປຶກສາຄະນະກຳມາທິການລະດັບສູງສີລັງກາໃນເມືອງນິວເດລີ ທ່ານຍັງໄດ້ດຳລົງຕຳແໜ່ງເລຂານຸການຂອງມູນນິທິອິນເດຍ-ສີລັງກາອີກດ້ວຍ.

ທ່ານນາງສຳເລັດການສຶກສາວິທະຍາສາດບັນດິດ (ສັດຕະວະວິທະຍາສະເພາະ) ຈາກມະຫາວິທະຍາໄລໂຄລຳໂບ ແລະໄດ້ດຳລົງຕຳແໜ່ງພະນັກງານວິຊາການຂອງຄະນະວິທະຍາສາດ ມະຫາວິທະຍາໄລໂຄລຳໂບ (1996-1998), ກ່ອນທີ່ຈະເຂົ້າຮ່ວມງານໃນຝ່າຍບໍລິການຕ່າງປະເທດສີລັງກາ

ທ່ານນາງຍັງໄດ້ເປັນລູກສິດຂອງວິສາຂະວິທະຍາ ເມືອງໂຄລຳໂບ ປະເທດສີລັງກາ.

ທ່ານນາງໄດ້ແຕ່ງງານກັບ ທ້າວສະຕີເຟັນ ເສນານາຍັກຄີ ພະນັກງານລັດຖະກອນສີລັງກາ.

ວຽກຍາມວ່າງຂອງທ່ານ ໄດ້ແກ່ ການເບິ່ງນົກແລະການອະນຸລັກສັດປ່າ ຄວາມຫຼາກຫຼາຍທາງຊີວະພາບ ແລະແຫຼ່ງບູຮານຄະດີສຳຫຼັບຄົນຮຸ້ນໃໝ່.