Message of H.E. Anura Kumara Dissanayake, President of Sri Lanka on the 77th Independence Day
No.257 : Sri Lanka MICE Expo – 05 to 09 October 2026 in Colombo
No.257 : Sri Lanka MICE Expo – 05 to 09 October 2026 in Colombo
Prof. Rangita De Silva De Alwis Re-elected to the Committee on the Elimination of All Forms of Discrimination Against Women (CEDAW) with Highest Number of Votes
Sri Lanka’s candidate Professor Rangita De Silva De Alwis was re-elected to the UN
Committee on the Elimination of All Forms of Discrimination Against Women (CEDAW)
for a second consecutive term, 2027-2030, at the elections conducted during the 24th Meeting of the State Parties to the CEDAW Convention at the United Nations in New York on 26 June 2026.
ජාතික පුනරුදයට පෙළ ගැසෙමු.
අද දින අප 77 වන ජාතික නිදහස් දිනය සමරන්නේ අලුත් නිදහසක් පිළිබඳ වූ බලාපොරොත්තු හද දරමිනි. ශ්රී ලංකා ඉතිහාසය ප්රවර්තනය කරමින් උතුර, නැගෙනහිර, බටහිර, දකුණ සියලු ජනතාව එක් ව ගොඩනැඟූ මහජනතාවගේ ආණ්ඩුවක් සමඟ අප මේ වන විට අලුත් මඟකට පිවිස ඇත. පසුගිය සියවසේ අපට අහිමි වූ සහ අපට මඟහැරුණු පොහොසත් රටක් – ලස්සන ජීවිතයක් යළි ගොඩනඟා ගැනීමේ අභියෝගය සමඟ අපි සැමදෙනා මේ වන විට සාමුහිකව පොරබදමින් සිටිමු.
අපගේ අනාගත පරපුර උදෙසා අප දේශය නව ස්ථරයක් වෙත ඔසවා තැබිය යුතුය. රුහිරෙන් කඳුලින් අරගල කළ ඉතිහාසයේ සියලු විරුවන්ගේ කැපකිරීම්වල අපේක්ෂාව වූයේ ද එයයි. ඒ අනුව පුද්ගලිකවත් සාමූහිකවත් අප ඒකීය පද්ධතියක් ලෙස සමාජීය, පාරිසරික හා ආචාරධාර්මික මං ඔස්සේ සංවර්ධිත නූතන ශ්රී ලාංකික ජාතිය ගොඩනැඟිය යුතුය.
නව රජය ලෙස එහිදී පසුගිය මාස හතර තුළ මූලික වශයෙන් සවිමත් ආර්ථිකමය පදනමක් මත රට ස්ථාවර කිරීම, නව දේශපාලන සංස්කෘතියක් අභ්යාස කරමින්, දේශපාලනය හා දේශපාලනඥයා පිළිබඳ වූ නව පරමාදර්ශයක් වෙනුවෙන් කැපවීම, ජාතිවාදයෙන් හා ආගම්වාදයෙන් තොරව අනෙකා දෙස සමානාත්මතාවෙන්, ගෞරවනීය හා සහකම්පනීය ලෙස බැලීම හා සැලකීම කෙරෙහි ජනතාව මෙහෙය වීම හා නීති බල ගැන්වීම, ග්රාමීය දුප්පත්කම තුරන් කිරීමේ අපගේ මුඛ්ය පරමාර්ථ සාධනය කර ගැනීම සඳහා වූ ප්රතිපත්තිමය හා ක්රියාකාරී එළැඹුම සනිටුහන් කරමින්, අවදානමට ලක් වූ හා ලක් විය හැකි කිසිඳු පුරවැසියෙක් මඟ නොහැරෙන පරිදි අත්යවශ්ය සමාජ කණ්ඩායම් වෙත ප්රවේශය සහතික කරන සුබසාධන යාන්ත්රණ සැකසීම, අපට මඟහැරුණු නව්ය විද්යා හා තාක්ෂණ දියුණුව අත්පත් කර ගැනීම සඳහා ආර්ථිකය ඩිජිටල්කරණය කිරීමට අවැසි මුල් පියවර තැබීම, දූෂිත පාලකයන් සිටින රටක් ලෙස වූ පූර්ව නිගමනය බැහැර කර ලෝකයේ සියලු රටවල් හා ජාතීන් සමග වඩා විශ්වාසනීය ලෙස ගනුදෙනු කළ හැකි නොබැඳි විදෙස් ප්රතිපත්තියක් සහිත රටක් ලෙස ජාත්යන්තර ප්රජාව ඉදිරියේ යළි ශ්රී ලංකාව සන්නාම ගත කිරීම යන කාර්ය වෙත අපගේ අවධානය යොමු විය.
මේ අනුව පැවැති දූෂිත දේශපාලන තන්ත්රයේ දහසක් අවලාද හා බාධා කිරීම් මැද මෙරට පොදු මහජනතාව එක්ව ගොඩනැඟූ ජනතා රජය ක්රමානුකූලව නමුත්, ස්ථාවරව ඉදිරියට යමින් සිටී. අපගේ පොරොන්දුව පරිදිම අද වන විට අප ජාතික පුනරුද යුගයක් වෙත ශ්රී ලංකාව කැඳවා යාමට මේ වන විට සමත්ව සිටිමු. ඒ අනුව දැන් ඇත්තේ ඉහත කී පදනම මත ක්රමානුකූලව සියවස් ගණනක් අප දුටු සිහිනය සැබෑ කරගැනීම පිළිබඳ වූ ඉතිහාසයේ වඩා නිර්මාණශීලීම කාර්යය නොසැලෙන විශ්වාසයෙන් යුතුව ඉදිරියට රැගෙන යාමයි. ඒ වෙනුවෙන් සියලු ශ්රී ලාංකික ජනතාව වඩා ශක්තිමත්ව හා විශ්වාසයෙන් යුතුව පෙළගැසෙන ලෙසත්, නිදහස පිළිබඳ වූ නූතන සුසමාදර්ශයක් ගොඩනැඟීමේ කාර්යය හා එක්වන ලෙසත්, පුනරුද යුගය සඳහා වන සාමුහික ඇරඹුමට එක්වන ලෙසත්, 77 වන ජාතික නිදහස් දිනය සමරන මෙම අවස්ථාවේදී මුළුමහත් ශ්රී ලාංකික ජනතාවට මම ආරාධනා කර සිටිමි.
අනුර කුමාර දිසානායක
ජනාධිපති
ශ්රී ලංකා ප්රජාතාන්ත්රික සමාජවාදී ජනරජය
2025 පෙබරවාරි 04 දින
No.257 : Sri Lanka MICE Expo – 05 to 09 October 2026 in Colombo
No.257 : Sri Lanka MICE Expo – 05 to 09 October 2026 in Colombo
Prof. Rangita De Silva De Alwis Re-elected to the Committee on the Elimination of All Forms of Discrimination Against Women (CEDAW) with Highest Number of Votes
Sri Lanka’s candidate Professor Rangita De Silva De Alwis was re-elected to the UN
Committee on the Elimination of All Forms of Discrimination Against Women (CEDAW)
for a second consecutive term, 2027-2030, at the elections conducted during the 24th Meeting of the State Parties to the CEDAW Convention at the United Nations in New York on 26 June 2026.